"ஜெயிலர் 2" எப்போ ரிலீஸ் ஆகும்னு தெரியுமா..?

Written By : MYTHILI . N 02-12-2024  03:52:55 PM

 

 

 

கடந்த 2023 ஆம் ஆண்டு நெல்சன் திலீப்குமார் இயக்கத்தில் ரஜினிகாந்த் நடிப்பில் வெளியான படம் தான் ஜெயிலர். ரசிகர்கள் மத்தியில் பெரும் வரவேற்பை பெற்று வெற்றி படமாக அமைந்தது.  "அலப்பறை கிளப்புறோம்….தலைவரு நிரந்தரம்" பாடல் படம் வெளியாகும் முன்பே ரசிகர்களை ஈர்த்துவிட்டது என்றே சொல்லலாம். ரூ.650 கோடிக்கு மேல் வசூலித்து பாக்ஸ் ஆபிஸில் மிகப்பெரிய வெற்றிப் படமாக அமைந்தது. தற்பொழுது இந்த படத்தின் இரண்டாம் பாகம் ரஜினியின் பிறந்தநாளன்று அப்டேட் செய்வதாக படகுழுவினர் தெரிவித்துள்ளனர்.

 

 

 

 

 

இப்படத்தில் இயக்குனர், திரைக்கதை எழுத்தாளரான நெல்சன் ஏற்கனவே "ஜெயிலர் 2" படத்தின் ஸ்கிரிப்டை எழுதிவிட்டதாக விகடன் விருதுகள் விழாவில் தெரிவித்தார், ஆனால் படத்தை பற்றிய விவரங்களை வெளியிடுவதைத் தவிர்த்துவிட்டதாகவும் தெரிவித்தார்.

 

ஜெயிலர் முதல் பாகத்தில் ரம்யா கிருஷ்ணன், விநாயகன், வசந்த் ரவி, யோகி பாபு, சிவ ராஜ்குமார், மோகன்லால் மற்றும் ஜாக்கி ஷெராஃப் உட்பட முன்னணி கதாபாத்திரங்கள் நடித்திருந்தனர். அனிருத் படத்திற்கு இசையமைத்திருந்தார் என்பதும் குறிப்பிடதக்கது. படத்தின் டிரெய்லர் சீக்கிரமாகவே வெளியாகும் என எதிர்பார்க்கப்படுகிறது.

 

 

தற்பொழுது டி.ஜே.ஞானவேல் இயக்கத்தில் வேட்டையன், லோகேஷ் கனகராஜுடன் கூலி ஆகிய படங்களிலும் ரஜினிகாந்த் நடித்து வருகிறார். எனவே ரஜினி தொடர்ந்து தன் படங்களில் மற்ற மொழி நடிகர்களை நடிக்க வைக்கின்றார் என்ற பேச்சு கோலிவுட் வட்டாரத்தில் இருந்து வருகின்றது.


இந்நிலையில் ரஜினியின் கம்பேக் படமான ஜெயிலர் திரைப்படம் வெளியாகி இன்றுடன் ஓராண்டு ஆகிவிட்டது. கடந்தாண்டு ஆகஸ்ட் 10 ஆம் தேதி தான் ஜெயிலர் திரைப்படம் வெளியானது. ஓராண்டு ஆகிவிட்ட நிலையில் ஜெயிலர் படத்தின் இரண்டாம் பாகத்திற்கான அதிகாரபூர்வ அறிவிப்பு சீக்கிரமாக வெளியாகுமா என ரசிகர்கள் ஆவலாக எதிர்பார்த்து இருக்கின்றனர்.